Прывітанне. Мяне завуць Раман. Я прафесійна займаюся вэб-распрацоўкай з 2010 года. За гэты час прайшоў шлях ад сайтаў на CMS і фрылансу да распрацоўкі і падтрымкі буйных вэб-праектаў у нямецкіх кампаніях і міжнародным агенцтве. Мая аснова — full stack: PHP, JavaScript і TypeScript, з вялікім досведам працы з Laravel і рознымі франтэнд-фрэймворкамі.

Свой першы мільён я зарабіў яшчэ ў каледжы, робячы курсавыя на Delphi і C/C++ для аднагрупнікаў. Праўда, гэта былі беларускія рублі. З таго часу тэхналогіі і маштаб задач заўважна змяніліся, а цікавасць да таго, як усё ўладкавана і як зрабіць лепш, засталася.

Апошнія некалькі гадоў я паступова пераношу ўвагу на тэхнічнае лідарства: больш займаюся ментарствам, арганізацыяй працы і кіраваннем праектамі. Мне цікава глядзець на праект цалкам: разбірацца ў задачы, выбіраць прыдатныя рашэнні і дапамагаць камандзе даводзіць іх да выніку. Цяпер шукаю пазіцыю тэхліда або вэб-архітэктара, дзе змагу выкарыстаць назапашаны досвед і ўзяць на сябе больш адказнасці за тэхнічны кірунак праекта.

ШІ таксама стаў часткай маёй працы. Выкарыстоўваю яго там, дзе ён дапамагае хутчэй рухацца ў задачы, але правяраю прапанаваныя рашэнні і разбіраюся ў кодзе, які трапляе ў праект. Мне важна разумець, чаму рашэнне працуе, як яго падтрымліваць і якія праблемы яно можа стварыць пазней.